2025eko Aurrekontu partehartzaileen prozesuko lehen fasean jasotako proposamen guztiak aztertu ondoren, bideragarrien eta onuragarrienak direnak hautatu dira. Hiru hauek, hain zuzen:
HAUR PARKEA ESTALTZEA:
Haurrentzako parke estaliak eraikitzea edo dagoen parkeetako bat estaltzeko proposamenak jaso dira. Udalak aurrikusita dauka haur parke estali bat eraikitzea. Beraz, proposamen hau aukeratuz gero, dagoeneko eraikita dagoen beste haur parke bat ere estali ahalko litzateke.
KULTUR ESKAINTZA AREAGOTZEA:
Adin eta gustu ezberdinetarako kultur proposamenak egiteko eskaerak jaso dira. Programazioa aberastuko litzateke, bai ikuskizun mota gehiago eskainiz, zein adin tarte bakoitzerako ekimenak antolatuz eta euskarazko ekitaldi gehiago eskainiz.
AIRE ZABALEKO KIROLERAKO BALIABIDEAK:
Kirola aire zabalean egiteko baliabideak hobetzeko eskaera anitz jaso dira. Kanpoko kantxak hobetu eta kalistenia baliabideak areagotzera bideratuko litzateke zenbatekoa. Orain, bozkatzeko unea heldu da. Irailak 16an hasi eta 30era arte Derion erroldatutako 7 urtetikgorako pertsona guztiek bozkatu dezakete, hiru proposamen hauetatik zein garatu ahal izango den erabakitzeko.
Bozketa online egin daiteke, derio.eus webguneandagoen formularioren bitartez, zein fisikoki Kultur Birikan eta udaletxeko Gertuan arreta zerbitzuan dauden inprimakiak osatuz.
Bozkatu, denon artean Derio hobetuko dugu!
