Derioko Udalak 2026ko kirol-abonuen informazio-eskuorria argitaratu du. Bertan jasotzen dira abonu-modalitateak, prezioak eta Derioko Udal Kiroldegiaren eta udako udal igerilekuaren erabilera-baldintzak.
Abonatuek hainbat instalazio eta zerbitzu erabiltzeko aukera izango dute (igerileku klimatizatua, gimnasioak, sauna eta lurrunezko bainuak, frontoia, kirol-pistak eta udako igerilekua), baita ikastaro eta jarduera gidatuen eskaintza zabalaz gozatzeko ere (igeriketa, pilates, aquagym, zumba, entrenamendu funtzionala, hipopresiboak, besteak beste).
Horrez gain, abonatua izateak abantailak eskaintzen ditu: prezio bereziak, ikastaroetan izena emateko lehentasuna, doako masterclass saioak eta Kirol Txartelaren bidez beste udalerrietako kiroldegietara sartzeko aukera.
