- Derioko Udalak plataforma digital eta interaktibo berritzaile bat jarri du abian, derioztar guztiei beren etxebizitzen potentzial fotovoltaikoari buruzko informazio pertsonalizatua eskaintzeko.
Derio, 2025 maiatzaren 27an. Adimen artifizialean eta analisi energetikoan espezializatutako ImpactE enpresa teknologikoarekin lankidetzan, Derioko Udalak eguzki-mapa interaktibo bat jarri du martxan, udalerriko biztanle bakoitzak bere etxebizitzaren, enpresaren edo merkataritza-lokalaren eguzki-aprobetxamendua ezagutzeko aukera izan dezan.
Europa mailako punta-puntako teknologian oinarritzen den tresna honek, udalerriko teilatu guztiak aztertzen ditu, eta modu argi eta garbian erakusten du zenbat eguzki-panel instalatu ahal izango liratekeen eraikin bakoitzean, zenbatetsitako energia-errendimendua, gutxi gorabeherako beharrezko inbertsioa, aurreikusitako urteko aurrezpen ekonomikoa eta instalazio horrek ekarriko lukeen CO₂ isurien murrizketa.
Informazio hori guztia doan eskuratu ahal izango da webgune publiko batean, interesdun orori kontsulta zuzena errazteko. Udalaren helburua herritarrak ahalduntzea da, herri-ingurunean iraunkortasuna erraztuko duten erabaki informatuak hartu ahal izan ditzaten.
“Jarduera honekin, Deriok beste urrats bat emango du gardentasunarekin, klima-aldaketaren aurkako borrokarekin eta energia garbiekin duen konpromisoan, derioztarrei aldaketarekin bat egiteko tresna praktiko eta fidagarriak eskainiz”, azpimarratu du Esther Apraiz alkateak.
