Deriok ongietorri ofiziala egingo die Gabonei azaroaren 29an, Gabonetako argiak piztuz, ohitura den bezala. Herritar guztiei irekitako ekitaldiak herriko kaleak jai giroz beteko ditu.
Ospakizuna 18:00etan hasiko da, haur eta helduek hasiera-hasieratik goza dezaten pentsatu den diskofesta batekin. Ekitaldi nagusia, argiak piztea, 19:00etan izango da, eta Derio egun horietako distira bereziarekin argiztatuko da.
Argiak piztu ondoren, 20:00etan, Etxebarria aita-semea trikitilariek musika tradizionalarekin girotuko dute gaua, festa giro hurbil eta familiarrean jarraitzeko.
Gainera, 19:00etatik aurrera talo solidarioa erosi ahal izango da, 2 euroko prezio sinbolikoan. Bildutako diru guztia Derioko Elikagaien Elkarte Solidariora bideratuko da eta, horrela, egun horietan izaten dugun komunitate eta elkarri laguntzeko espiritua indartuko da.
Derioko Udalak pertsona guztiak gonbidatzen ditu Gabonak herrian hasiko dituen hitzordu berezi honetan parte hartzera, aurten ere kultura, dibertsioa eta elkartasuna batuz.
