Derioko ludotekak “Aste Santua Kirolean” programa antolatu du berriro ere, 2014 eta 2021 urteen artean jaiotako haurrei zuzenduta. Ekimen honen helburua da Aste Santuko oporraldian zehar kirola, jolasa eta elkarbizitza sustatzea da, giro ludiko eta hezitzaile batean.
Programak familiei bi aste aukeratzeko aukera ematen die haien beharretara egokitu ahal izateko. Lehenengo astea martxoaren 30etik apirilaren 1era egingo da, eta bigarrena apirilaren 7tik 10era. Egun horietan, haurrek hainbat jolas, kirol dinamika eta jarduera egingo dituzte, jolas- eta hezkuntza-giroan dibertitzeko eta aktibo mantentzeko.
Jarduerak 09:00etatik 14:00etara egingo dira, baina malgutasuna egongo da 08:30etik 14:30era arteko sarrera eta irteera egiteko, familien kontziliazioari lagunduz. Izena emateko epea martxoaren 4tik 15era egongo da zabalik, eta esteka honen bidez egin ahal izango da:
https://labur.eus/7ymbdih0
Prezioari dagokionez, aste bateko matrikula 15 eurokoa izango da, eta bi asteetarakoa 20 eurokoa.
Plazak mugatuak izango dira, beraz, parte hartu nahi dutenek aurretiaz eman behar dute izena. Derioko Udalak familiak proposamen honetan parte hartzera animatu nahi ditu, haurrek oporraldia modu aktiboan, dibertigarrian eta kirola eginez igaro dezaten.
