Gazte Foroak eta Umeen Kontseiluak Derio hobetzeko proposamenak aurkeztu dituzte

• Derioko gazteek app bat diseinatu dute udal-proiektuetan beren parte hartzea sustatzeko. Bestalde, Umeen Kontseiluak gizarte-aniztasunari eta erabaki publikoetan ikuspegi inklusiboa izateko beharrari buruzko materialak egin landu ditu.

Derioko Udalak bultzatutako haur eta gazteek parte hartzeko espazioen esparruan, Gazte Foroa eta Umeen Kontseilua osatzen duten kideek beren azken hausnarketa-prozesuak amaitu dituzte komunitatean bizimodua hobetzeko proposamen zehatzak aurkeztuz. Gazte Foroak adibidez, aurrekontu parte-hartzaileetan gazteen inplikazioa nola handitu aztertzea izan du helburu. Lau saiotan, parte-hartze aktiboagoa errazteko gakoei buruz hausnartu du taldeak, eta nabarmendu du garrantzitsua dela informazio argia eta gazteen interesetara eta hizkuntzetara egokitutako kanalak izatea. Azterketa horren emaitza gisa, proposamen berritzaile bat diseinatu dute: aplikazio digital bat (APP), udal-prozesuetan gazteen parte-hartzea bultzatzea bilatzen duena, aurrekontu parte-hartzaileak barne. Bestalde, Umeen Kontseiluak funtsezko bi gai jorratu ditu: errespetua komunitate-ingurunean eta politika publiko inklusiboen diseinua. Horren ondorioz, Canva motako dokumentu bisual bat egin dute, errespetuari buruzko ondorioak biltzen dituena, baita komiki batzuk ere, non gizarte-aniztasuna eta erabaki publikoetan ikuspegi inklusibo baten beharra islatzen duten egoerak irudikatzen diren. Bi taldeek beren lanak aurkeztu zizkioten udal gobernu taldeari azken saioetan, eta beste mugarri bat jarri zuten Deriok bere haurren eta gazteen parte-hartze aktiboaren alde egindako apustuan. “Argi daukagu Derio eraikitzen jarraitzeko ahots guztiak izan behar ditugula kontuan, eta batez ere gure herriaren etorkizuna eraikitzeko ardura izango dutenen ahotsak. Ume zein gazte hauen ekarpenak sormenaren eta gure herriarekiko duten konpromisoaren adibide dira. Harro egoteko moduan gaude”, adierazi du Esther Apraiz alkateak.