Noticias

Hasiera » Hamabost jarduera baino gehiago Derion Gabonez gozatzeko, abenduaren 19tik urtarrilaren 18ra

Hamabost jarduera baino gehiago Derion Gabonez gozatzeko, abenduaren 19tik urtarrilaren 18ra

Derioko Udalak, abenduaren 19tik urtarrilaren 18ra bitartean, publiko guztientzako Gabonetako egitarau zabala prestatu du. Datozen egunetan jarduera eta ordutegi guztiak jasotzen dituen liburuxkaren 3.000 ale banatuko dira etxebizitzetako postontzietan.

Derioko Udalak, abenduaren 19tik urtarrilaren 18ra bitartean, publiko guztientzako Gabonetako egitarau zabala prestatu du. Datozen egunetan jarduera eta ordutegi guztiak jasotzen dituen liburuxkaren 3.000 ale banatuko dira etxebizitzetako postontzietan. Ohiko hitzorduez gain (Olentzero eta Mari Domingiren kalejira eta harrera, eta Errege Magoen etorrera), kultur, kirol eta aisialdiko hamabost proposamen baino gehiago jasotzen ditu programak. Besteak beste, haurrentzako eta helduentzako antzerkia, erromeriak, kirol-erakustaldiak, mendi martxak, Derio Olgetan, txitxarriloak, 1940an jaiotako pertsonen omenezko jaia eta Kirolaren Gala. Jarduera guztiak komunitatean gozatzeko eta udalerriaren ezaugarri den jai eta partaidetza-espiritua indartzeko pentsatuta daude. Informazio zehatza hurrengo egunetan postontzietan banatuko den egitarauan izango da eskuragarri, baita udalaren webgunean eta sare sozialetan ere. Udal gobernuak herritar guztiak gonbidatzen ditu parte hartzera eta kulturaz, tradizioz eta alaitasunez betetako Gabonez gozatzera.

Erlazionatutako albisteak

Kolorez betetako inauteriak !!

KAIXO FAMILIAK!!! Otsailaren 16, 17 eta 18an INAUTERIEN PROGRAMA izango dugu ludotekan, 2012. urtetik 2021. urtera jaiotakoentzat. Izena ematea beharrezkoa da. PLAZA MUGATUAK. Egun kopurua aukeratu daiteke: bat, bi edo […]

Dibertsioa, erronka eta emozioa

Ludogazte zara eta 2012 eta 2013 urteetan jaio zinen? Orduan, zure zain dago Bizkaia Park Abentura. 3.000 m² baino gehiago dituen espazio estali horretan, tirolinetatik bota, zubi esekiak zeharkatu, ohe […]

Olentzero eta Mari Domingi Derion izango dira abenduaren 24an

Deriok Olentzero eta Mari Domingiren etorrera ospatuko du abenduaren 24an, familiei zuzendutako harrerarekin, kalejirarekin eta arratsaldean zehar egingo den kale-animazioarekin. Lehenik eta behin, herritarrek Olentzero eta Mari Domingirekin elkartzeko aukera […]

Los Judas de la Impro Deriora helduko dira inprobisaziozko ikuskizun berezi batekin

Datorren abenduaren 19an, ostirala, 20:30ean, Gurea Aretoan izango da “Los Judas de la Impro” ikuskizuna, inprobisazioan oinarritutako antzerki-proposamen dibertigarri eta bizia. Ikuskizun honetan ezer ez dago aurrez idatzita: eszenak, pertsonaiak […]