Derioko Udal Kiroldegiak irailaren 1etik 14ra irekiko du 2025-2026 kirol ikastaroetan izena emateko epea (abonatu zein ez abonatuentzat). Aurten ere, ur eta lurrezko jarduera fisiko gidatuen programazio zabala izango da, helduentzat zein txikientzat.
Eskaintzari dagokionez, Derioko Udal Kiroldegiak jarduera gidatuen programa mantendu egingo du, hala nola igeriketa ikastaroak, aquagym eta igeriketa eskola martxan izango dira. Horiez gain, pilates, zumba, yogalates, adinekoentzako gimnasia, aerogap, TRX, full body, spinning, body hit, high training… bezalako ikastaroak ere eskainiko dira, besteak beste.
Ikastaroen funtzionamendu onak eta kirolarien gogobetetasunak ikasturte honetan aldaketa gutxi egotea eragin dute. Nobedade nagusia, astelehenean eta asteazkenan goizez pilates saioak eskaintzea izan da.
Izen-ematea www.derio.eus helbidean egin behar da. Abonatuek lehentasuna izango dute plazen zozeketan eta Kirol Txartelarekin ere abantailak izango dituzte (info+ 944 540 159).
Zerrendak DUKeko iragarkien taulan eta Udalaren webgunean argitaratuko dira.
