Derioko Udalak 2025eko Tokiko Enplegua Sustatzeko Programaren baitan, askotako eginkizunetarako bi langile kontratatzeko prozesua jarri du martxan, hiru hilabeteko aldi baterako kontratuarekin.
Hautaketa-prozesuan parte hartu nahi duten pertsonek eskaera eta beharrezko dokumentazioa aurkeztu beharko dituzte, deialdiko oinarrietan jasotakoaren arabera. Oinarriak eskuragarri daude Derioko Udalaren webguneko hurrengo atalean: https://www.derio.eus/herritarrak/enplegua-eta-oposaketak/
Eskaerak aurkezteko epea azaroaren 5etik 21era izango da, biak barne, eta dokumentazioa Derioko Udaleko Erregistro Orokorrean entregatu beharko da.
Informazio gehiago nahi duten pertsonek Derioko Udalera deitu dezakete, 94 454 10 19 telefono zenbakira.
