Derioko Udala Kultur Birikaren inguratzaile termikoa birgaitzeko lanak egiten ari da, eta lanak amaierako fasean daude. Jarduketaren helburua fatxadetan atzemandako arazoak konpontzea eta eraikinaren energia-eraginkortasuna hobetzea da.
Lanek honako jarduketa hauek hartzen dituzte barne: hondatuta dauden fatxadako estaldurak berritzea, isolamendu termikoa eta fatxada aireztatua hobetzea, eta estalkietan nahiz filtrazioek eta hezetasunek eragindako guneetan hainbat esku-hartze egitea. Jarduketa horien bidez, eraikinaren segurtasuna, estankotasuna, iraunkortasuna eta portaera energetikoa hobetu nahi dira.
Obrak 2025eko uztailaren 11n hasi ziren eta 16 asteko egikaritze-epearekin esleitu ziren, 608.211,94 euroko zenbatekoan, BEZa barne. 20250415_Ebazpena_DEKRETUA DECR…
Jarduketak 33.294,37 euroko dirulaguntza du Bizkaiko Foru Aldundiaren eskutik, Herri Administraziorako eta Erakunde Harremanetarako Sailaren bidez, udal-eskumeneko inbertsioak sustatzeko 2025eko dirulaguntza-deialdiaren barruan, erabilera edo zerbitzu publikoei atxikitako azpiegituretara bideratutako inbertsioetarako.
