Derioko Udalak Oinarrizko Lorezaintza ikastaroa antolatu du Derion erroldatuta eta langabezian dauden (lehentasuna izango dute) pertsonei zuzenduta. Prestakuntza-aukera honen bidez, parte-hartzaileek lorategiak eta berdeguneak zaintzeko eta mantentzeko oinarrizko ezagutzak eta trebetasun praktikoak eskuratu ahal izango dituzte.
Ikastaroa 90 ordukoa izango da eta urriaren 8tik 30era bitartean egingo da, astelehenetik ostiralera, 08:30etik 14:30era, Derioko Nekazaritza Eskolan. Lanbidek egiaztatuta dago prestakuntza, eta, beraz, aukera ona da lorezaintzaren arloan ezagutzak zabaltzeko eta lanbide-prestakuntza hobetzeko.
Ikastaroan parte hartzeko 100 euroko fidantza ordaindu beharko da, baina ikastaroa gaindituz gero, fidantza itzuli egingo da; beraz, prestakuntza doakoa izango da ikastaroa gainditzen duten pertsonentzat.
Ikastaroan parte hartu nahi dutenek urriaren 4a baino lehen eman beharko dute izena, Derioko Udalaren webgunearen bidez (www.derio.eus) (https://derio.kixmi.cloud/Inscripciones/Index/324996). Izena ematea ezinbestekoa da prestakuntzan parte hartu ahal izateko.
Derioko Udalak udalerrian erroldatuta eta langabezian dauden (lehentasuna izango dute) herritarrak animatu nahi ditu aukera hau aprobetxatzera, prestatzen jarraitzeko, ezagutza berriak barneratzeko eta lanbide-gaitasunak hobetu ahal izateko.
Ez galdu aukera hau! Eman izena urriaren 4a baino lehen eta egin aurrera zure lanbide-prestakuntzan.
