2025eko azaroaren 16tik 23ra, Deriok Nomadak Jaialdiaren edizio berri bat hartuko du, “Derio haurtzaroarekin: txotxongiloak, artea eta eskubideak” lelopean.
Derioko Udalak eta Emausek antolatutako jaialdiak bidaia artistiko eta hezitzailea proposatzen du txotxongilo-antzerkiaren bidez, haurren eskubideei, sormenari eta kultura-aniztasunari buruz gogoeta egiten duten nazioko eta nazioarteko konpainiekin.
Programazioak publiko guztientzako ikuskizunak biltzen ditu:
- Azaroak 16 – 12:00 (Gurea Aretoa) “Gazta Gailetak”, Txo Titelles (Katalunia).
- Azaroak 19 – 11:00 (Emaus, Eguzkizale Zentroa, Butroe kalea 7) “Txio Txinela”, Zurrunka Teatroa.
- Azaroak 20 – 18:00 (Gurea Aretoa) Eskolako txotxongiloen tailerreko lanaren aurkezpena eta Ermelinda Cocciaren (Italia) zuzeneko emanaldia.
- Azaroak 23 – 12:00 (Gurea Aretoa) “El misterio de oriente”, Baruti Theater (Grezia).
* Sarrerak eskuragarri daude www.derio.eus webgunean.
Bederatzi egunez, Derio artea, haurtzaroa eta hausnarketarako topagune bihurtuko da, eta kulturak balioetan hezteko eta haurren eskubideak sustatzeko tresna gisa duen eginkizuna aldarrikatuko du.
