Datorren irailaren 24an, 18:00etatik 20:00etara, Kultur Birikan emango da «Osasuna eta pantailak haurtzaroan: jakin behar duguna» izeneko hitzaldia. 12 urtetik beherako haurrak dituzten familiei dago zuzenduta. Mirene Beriain pediatrak eta osasun digitalean adituak emango du hitzaldia, eta pantailen erabilerak haurtzaroan duen eragina hobeto ulertzeko eta horien erabileran ohitura osasungarriak sustatzeko informazioa eta jarraibideak eskainiko ditu. Horrela, familiek zalantzak argitzeko, kezkak partekatzeko eta seme-alabei pantailen erabilera egokian laguntzeko tresnak eskuratzeko aukera izango dute. Hitzaldia gaztelaniaz izango da. Udalak interesa duten familiak saio horretan parte hartzera animatzen ditu, haurren eguneroko bizitzan gero eta presentzia handiagoa duen gai honi buruzko informazio eta hausnarketa gune horretan parte har dezaten. Parte hartu nahi izanez gero, aldez aurretik izena eman behar da aukera hauetakoren bat erabiliz: jardueraren kartelean dagoen QR kodea (https://docs.google.com/forms/d/e/1FAIpQLScLO0glxi9DgC7jO8llqShf969jcXrLOIXIkH1GbO5fYwRxdA/viewform), 747 42 88 49 telefono-zenbakia edo ekt@txorierri.eus helbide elektronikoa.
