Zure txakurra lagun eredugarria izatea nahi duzu? Martxoan, apirilean eta maiatzean, Derioko Kultur Birikan, hitzaldi batzuk egingo dira zuri laguntzeko lau hankako laguna hobeto ulertzen eta haren heziketa eta ongizatea hobetzen.
Hitzaldi horietan aztertuko dira etologia aplikatzea txakurren heziketan, txakurra prestatzea jaioberria datorrenerako, eta nola kudeatu antsietatea, banantzearen eta gehiegizko atxikimenduaren ondorioz. Horien bidez, elkarrekin harmonian bizitzeko tresna praktikoak jasoko dituzu. Gainera, gai hauei buruz ere ikasiko duzu: harrapatze-sekuentzia aldatua artzain-txakurrengan, txakurkumearen oinarrizko zaintza, nola prestatu txakur bat adoptatzeko eta lehen sorospenak txakurrei.
Asteazkenero, 18:30ean, Kultur Birikan izango dituzu txakurren portaeran eta heziketan adituak diren pertsonak, aholku praktiko eta erabilgarriak emateko.
Nahitaezkoa da izena ematea, otsailaren 25a baino lehen, esteka honen bidez: https://labur.eus/5obzghsp
Ez galdu zure txakurra lagun orekatuagoa eta zoriontsuagoa bihurtzeko aukera. Derion izango gara zure zain!
