Urtero bezala, Udalak berriro eskatu dio Bizkaiko Foru Aldundiari azpiegituren esparruko dirulaguntza berri bat, kasu honetan, tren-geltokirako sarbidea urbanizatzeko proiektua gauzatzeko hain zuzen ere. Udala eskaera horren ebazpenaren zain dago.
Gogoratu behar da, aurreko urteetan, Bizkaiko Foru Aldundiak hainbat dirulaguntza eman dizkiola Derioko Udalari. Horien artean 2023an Pumptrack pistaren eraikuntza bezalako proiektua egiteko, tokiko gobernuak 100.000 euroko inbertsioa egin zuen eta Aldunditik 50.154,94 euroko dirulaguntza jaso zuen. Bestalde, 2022an, Larrabarri Baserria handitzeko proiekturako udal-inbertsioa 223.000 eurokoa izan zen eta Bizkaiko Foru Aldundiak 44.631,87 euroko dirulaguntza eman zion udal derioztarrari proiektua gauzatzeko.
