- Derioztarrek ekainaren 1era arte izango dute parte hartzeko aukera, Udalak prestatutako formulario honen bidez: https://www.derio.eus/herritarrentzako-inkesta
Derioko Udalak herritarrentzako inkesta bat jarri du abian ELoGE (European Label of Governance Excellence) Europako zigilua eskuratzeko prozesuaren barruan. Europako Kontseiluak ematen duen aitortza honek tokiko gobernantzaren kalitatea eta berrikuntza demokratikoa egiaztatzen ditu.
kimen honen bidez, Udalak derioztarren iritzia, balorazioa eta hobekuntza proposamenak ezagutu nahi ditu udal kudeaketaren hainbat arloren inguruan; besteak beste, herritarren parte-hartzea, gardentasuna, berdintasuna, udal zerbitzuen kalitatea edo baliabide publikoen kudeaketa.
Inkesta anonimoa eta borondatezkoa da, eta emaitzak udalaren webgunean argitaratuko dira. Parte hartu nahi duten herritarrek datorren ekainaren 1era arte izango dute galdetegia betetzeko aukera, Udalak prestatutako hurrengo formularioaren bidez: https://www.derio.eus/herritarrentzako-inkesta
Esther Apraiz Derioko alkateak herritarren parte-hartzearen garrantzia azpimarratu du: “Gure herritarren iritzia ezinbestekoa da erakunde moduan hobetzen jarraitzeko eta udalerri hurbilago, parte-hartzaileago eta gardenago baten alde lanean jarraitzeko. Horregatik, herritar guztiak animatu nahi ditugu minutu batzuk hartzera inkesta hau betetzeko”.
Udalak azpimarratu du herritarren parte-hartzea funtsezko tresna dela Derio berritzaileagoa, irisgarriagoa eta herritarren benetako beharretara egokituagoa eraikitzen jarraitzeko.
