Derioko Udalak hirigintzarekin lotutako hobekuntzak lanak egin ditu azken egunotan Euskal Herria kalean. Alde batetik, gune horretan deserosotasunak saihesteko eta bide-segurtasuna bermatzeko helburuarekin, denboraren poderioz hondoratuta zeuden kutxatila batzuk konpondu dira inguruan hormigoi berria jarriz.
Eta bestetik, zoladuran hondatuta zeuden beste puntu batzuk ere konpondu dira. Okindegiaren aurrean dagoen zamalanetarako gunea adibidez. Hala, espazio honetako zuloak konpondu dira, zorua berriro asfaltatuz.
Udalak 8.387 euroko inbertsioa egin du (BEZa barne) Probisa Vías y Obras SLU enpresak egin dituen mantentze-lan horiek egiteko.
Udalak gogorarazten du konponketa horietako batzuk herritarren laguntzari esker egiten direla, Kalezaindu zerbitzuaren bidez. Derioztarrek berehala eman ahal dezakete kalteen edo gorabeheren berri, Udalak lehenbailehen konpondu ahal izateko.
