Derioko Udalak kanpoko frontoia hobetzeko lanak amaitu ditu, zolatak zituen arazoak konponduz. Orain arte, urez betetzen zen zorua euria egiten zuenean, erabilera zailduz eta higadura bizkortuz.
Egoera hori konpontzeko, asfalto zaharra kendu da eta zuntzez armaturiko hormigoizko geruza berri bat aplikatu da. Gainera, gainazalari malda txiki bat eman zaio, ura kanpora bideratzeko eta etorkizunean pilaketak saihesteko. Azkenik, zolata leundu egin da, kalitatezko akabera ziurtatzeko.
Obra horiek 48.000 euroko baino gehiagoko inbertsioa suposatu dute eta Landa e Imaz SA enpresak egin ditu.
Jarduera hau, Derioko Udalak instalazio publikoak mantentzearen eta hobetzearen alde duen konpromisoaren beste adibide bat da, herritarrei kirolerako eta aisialdirako kalitatezko espazioak eskaintzeko helburuarekin.
