Alkatea eta udaleko zinegotziak udalerriko auzo guztietara hurbilduko dira, auzotarren kezkak, iradokizunak eta ideiak bertatik bertara ezagutzeko eta jasotzeko.
Lehenengo hitzorduak Ganbe eta Errekatxueta auzoetako bizilagunei zuzenduta egongo dira. Jardunaldiak Ganbeko txokoan izango dira, maiatzaren 21ean (asteartea) 11:30etatik 13:30etara eta maiatzaren 23an (osteguna) 17:30etatik 19:30etara.
Derioko Udalak herritarrak entzun eta udal-kudeaketan beren parte hartzea sustatzeko konpromisoa berresten du auzoz-auzo ibiliko den “Leihatila ibiltaria” izeneko entzute prozesu berria abiaraziz.
Auzo bakoitzak beharrizan bereziak dituela jakinda, helburu nagusia Derioko bizilagunen kezkak, iradokizunak eta ideiak bertatik bertara ezagutzea eta jasotzea da. Horretarako, alkatea eta udaleko zinegotziak auzo guztietara hurbilduko dira, herritarrentzat irisgarriagoa den “leihatila” berri bat irekiz.
Solasaldi irekiak eta dinamikoak izango da, derioztar bakoitzak nahi eta ahal duenean gerturatu eta alkateari berari eta udal gobernuko zinegotziei zuzenean bere ekarpenak egin ahal izango dizkio.
Lehenengo “Leihatila ibiltaria” Ganbe eta Errekatxueta auzoetako biztanleei irekiko zaie. Ganbeko txokoan izango da eta bi egun eta ordutegi egongo dira:
Maiatzak 21 asteartea, 11:30etatik 13:30etara.
Maiatzak 23 osteguna, 17:30etatik 19:30etara.
“Derioko auzo guztiak bisitatuko ditugu, derioztarren eskaerei erantzuteko. Ekimen honen bidez, herritarrak entzun eta udal-politiketan ere euren protagonismoa izatea nahi dugu. Udal gisa gure nortasun-ezaugarrietako bati jarraipena eman nahi diogu, Gobernu Irekiari hain zuzen ere. Ikuspegi horren bidez, Udaletik zerbitzu publikoen sorreran eta hobekuntzan herritarren lankidetza bultzatu nahi dugu, gardentasuna eta kontu-ematea indartuz” adierazi du Esther Apraiz alkateak.
Udaleko ordezkariek Derioko auzo guztiak bisitatuko dituztee datozen hilabeteetan zehar.
