ESTHER APRAIZ FERNANDEZ LA PEÑA andreak, Derioko Udaleko alkateak
JAKINARAZTEN DU
1. Derioko Udalak, denboraleak Valentziako Erkidegoan eragindako kalte larriak ikusita, laguntzeko 6.000 euroko ekarpen ekonomikoa egingo du.
2. Gurekin batera laguntza eman nahi duten pertsona guztiek ekarpen ekonomiko bat egin ahal izango dute udalak ireki duen kontu-zenbaki batean.
Hauxe da dohaintzak egiteko kontu-zenbakia: ES07 2095 0126 2091 24625759
Herritarrei eskatzen dizuegu, ahal dela, transferentziak online egin ditzazuen.
Dohaintza aurrez aurre egin behar dutenek 08:30etik 10:30era joan ahal izango dira Kutxabanken bulegora. Bestalde, 65 urtetik gorako pertsonak jendeari arreta emateko edozein ordutegitan joan ahal izango dira.
3. Halaber, Valentziako Generalitateak web-orri bat jarri du laguntzeko prest dauden herritarren esku, https://somsolidaritat.gva.es, laguntza materiala modu ordenatuan bideratzeko, kaltetutako toki-entitateen beharren eta eskaeren arabera.
Derioko herritarrei dei egiten dizuegu luze joko duen kausa solidario honetako lehenengo fase honetan gehien behar dutenei laguntzeko.
Derion, 2024ko azaroaren 6an.
ALKATEA
