Dagoeneko zabalik da herritarrek Derioko IV. Kirol Galan aitortuak izatea nahi dituzten hautagaiak proposatzeko epea. 2024an herriko kirolarien, kluben eta kirol-elkarteen lorpenak eta ahaleginak aitortzea helburu duen ekitaldi hau urtarrilaren 17an ospatuko da, 19:30ean, Kultur Birikan.
Herritarrek abenduaren 26ra arte aurkeztu ahal izango dituzte beren proposamenak. Udalak herritar guztiei luzatzen die parte hartzeko gonbitea, beren dedikazio eta merezimenduekin Derioko kirol-panorama aberasten lagundu duten pertsona eta taldeen lana balioan jartzeko. Eskerrik asko parte hartzeagatik.
Hautagaitzak bidaltzeko, formulario hau bete behar da: https://labur.eus/UTN29
Eskerrik asko parte hartzeagatik
